விடியல் குகனின் புதிய குறள்கள்

  ஆயுதம் போருக்கு போடுதடை யஃதே யுலகயமை திக்கு விடை. தெளிவுரை: ஆயுதம் போருக்கு போடு தடை யஃதே  உலக அமைதிக்கு விடை.

  நாட்டுக்கு வேண்டிய நல்லகல்வி தந்ததை நன்குகற்க நன்றாகும் வாழ்வு .   தெளிவுரை:   நாட்டுக்கு வேண்டிய நல்லகல்வி தந்தை  நன்குகற்க நன்றாகும் வாழ்வு .

  போதை அழிவுக்குப் பாதை யதைவிட்டு  மீண்டுவிட்டால் வாழ்ந்திடலாம் நன்று. தெளிவுரை: போதை அழிவுக்குப் பாதை அதைவிட்டு  மீண்டுவிட்டால் வாழ்ந்திடலாம் நன்று.

  வாழ்விற்குத் தேவைப் படும்குறைந்த பட்சவச  திக்குமேல் மெய்மகிழ்வைத் தேடு. தெளிவுரை: வாழ்விற்குத் தேவைப்படும் குறைந்தபட்ச வசதிக்குமேல்  மெய் மகிழ்வைத் தேடு.

  பணம்சொத்து வேண்டும் நிறையவென் றாடிடும்  வேட்டையால்   தானேற்றத் தாழ்வு. தெளிவுரை: பணம் சொத்து வேண்டும் நிறைய என்று ஆடிடும்  வேட்டையால்தான் ஏற்றத் தாழ்வு.

  ஓரிடமி ழப்பானேய்ப் பான்வே றிடமிரண்டும்  கெட்டுக் கிடக்கு முலகு. தெளிவுரை: ஓரிடம் இழப்பான் ஏய்ப்பான் வேறிடம்;  இரண்டும் கெட்டுக் கிடக்கும் உலகு.

  வாழ்வுத்தே வையைநேர் மையாய் ஈட்டிதிட்ட  மாய்வாழ்ந் தால்பயமில் வாழ்வு. தெளிவுரை: வாழ்வுத் தேவையை நேர்மையாய் ஈட்டி  திட்டமாய் வாழ்ந்தால் பயமில் வாழ்வு.

  தறி கெட்டோடும் மானிடர் தானே  நெறிபடுத்திக் கொள்வது நன்று. தெளிவுரை: தறி கெட்டோடும் மானிடர் தானே  நெறி படுத்திக் கொள்வது நன்று.

  இலவசக் கல்விம ருத்துவத் தோடுவேலை யும்தந்தால் வேண்டாமே வேறு. தெளிவுரை: இலவசக் கல்வி மருத்துவத்தோடு வேலையும் தந்தால் வேண்டாமே வேறு.

இலஞ்சவூழ லைக்களைந்து விட்டாலே மக்களின்பா தித்துயர் தீர்ந்து விடும். தெளிவுரை:  இலஞ்ச ஊழலைக் களைந்து விட்டாலே மக்களின் பாதித்துயர் தீர்ந்து விடும்.

  மக்கள் முதல்தேவை யாம்வுண வாட்சியராற்  றத்தக் கமுதல் பொறுப்பு. தெளிவுரை: மக்கள் முதல்தேவையாம் உணவு ஆட்சியர் ஆற் றத் தக்கமுதல் பொறுப்பு.

அன்பையே கல்வியாக்கு மாசிரி யர்பிரிவைத்  தாங்கா தழுமே  யுலகு. தெளிவுரை: அன்பையே கல்வியாக்கும் ஆசிரியர் பிரிவைத் தாங்காது  அழுமே  உலகு.

வன்முறைக்கு வன்முறை இன்முறை யன்றது  சட்டவுரி மையாம்தற் காப்பு. தெளிவுரை: வன்முறைக்கு வன்முறை இன்முறை அன்று; அது சட்ட உரிமையாம் தற்காப்பு.

சுரண்டிநிறை யோரையே ழையாக்கி சேர்க்கும்  மிகைசொத்து துன்பம் தரும். தெளிவுரை: சுரண்டி நிறையோரை ஏழையாக்கி சேர்க்கும் மிகை சொத்து துன்பம் தரும்.